Get involved

幫廚餘
搵個好去處

零剩靠街坊、小店、義工同合作機構一齊撐起。你唔使好專業，揀一個啱你嘅方法，一齊令屯門嘅廚餘返到去泥土。

2023 香港精神獎・可持續發展精神獎得主。 南華早報主辦、海洋公園冠名。

四個方法，揀一個

小店

交出果皮、菜頭、咖啡渣呢啲餐前廚餘，研究員定期上門收。每個月收到心意卡，睇到你間舖一齊收咗幾多公斤。

義工

雙數月最後一個星期六落新墟，收廚餘、擺街站，或者加入數據、外展、街站、心意卡四個小組。

企業

揀 Table-to-Farm 做 team building、安排在職培訓，或者贊助一期社區計劃，一齊留低睇得到嘅成果。

捐款

你嘅支持會用喺回收物資、發酵粉、運輸同教育活動。想捐款或者捐物資，WhatsApp 我哋傾吓點樣安排最好。

回收物資廚餘桶、Bokashi 發酵粉、秤、手推車。

運去農田將發酵好嘅廚餘同咖啡渣送去元朗、天水圍嘅農友。

社區教育街站、教材、心意卡，同更多街坊傾廚餘。

培育研究員支援義工小組，等街坊可以自己帶住做落去。

每個月，研究員都會將合作小店嘅累積數字寫落心意卡。唔係計較邊個做得多，而係一齊睇住個數字慢慢大。

Tseng Choi Street · 2 years 455.8 kg 井財街兩年、16 次行動，小店同街坊一齊收到嘅廚餘

唔肯定邊個方法啱你都唔緊要，WhatsApp 傾吓先。